საქართველო, 23 ივნისი, საქინფორმი. ენერგეტიკის მინისტრის მოადგილემ ირაკლი ხმალაძემ და „თელასის" ტექნიკურმა  დირექტორმა ვახტანგ ქინქლაძემ ერთობლივ პრესკონფერენციაზე განაცხადეს, რომ „თბილისის ელექტროგამანაწილებელ ქსელში სარემონტო პროფილაქტიკური სამუშაოების გამო, 23 ივნისიდან 4 ივლისის ჩათვლით დედაქალაქის მოსახლეობას ელექტრომომარაგება შეეზღუდება".
მათივე განცხადებით, ელექტროენერგიაზე შეზღუდვა 2014-2015 წლების შემოდგომა-ზამთრის სეზონისთვის მზადების გამო  მიმდინარე სარემონტო სამუშაოებს უკავშირდება.

 „თელასში" აცხადებენ, რომ სარეაბილიტაციო სამუშაოების დასრულების შემდეგ თბილისში ელექტრომომარაგება საგრძნობლად გაუმჯობესდება.

სარეაბილიტაციო სამუშაოები ჩატარდება კვირის სამუშაო დღეებში 10:00 საათიდან 17:00 საათამდე დროის მონაკვეთში. ამავე პერიოდში მოხდება ელექტრო ენერგიის შეზღუდვა.