სამართალი
შსს-მ ცეცხლსასროლი იარაღის და საბრძოლო მასალის შეძენა-შენახვის და ტარების ბრალდებით ორი პირი დააკავა
საქართველო, 13 ივნისი, საქინფორმი. შსს-ს თბილისის მთავარი სამმართველოს ძველი თბილისის სამმართველოს თანამშრომლებმა 1991 წელს დაბადებული ერეკლე გ. და 1992 წელს დაბადებული გიორგი ჩ. ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ბრალდებით თბილისში დააკავეს.
სამართალდამცველებმა ერეკლე გ. - გუდაურის ქუჩაზე, ხოლო გიორგი ჩ. კოსტავას ქუჩაზე დააკავეს. ერეკლე გ-ს პირადი ჩხრეკისას „ტე-ტე“-ს სისტემის არარეგისტრირებული პისტოლეტი 1 მჭიდით და 6 საბრძოლო ვაზნით, გიორგი ჩ-ს პირადი ჩხრეკისას კი „მაკაროვის“ სისტემის არარეგისტრირებული პისტოლეტი 1 მჭიდით და 7 საბრძოლო ვაზნით ამოიღეს.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და ტარების ფაქტზე მიმდინარეობს.
