აქტუალური
ხუთი ამერიკელი სამხედრო ავღანეთში ნატოს მიერ თავისიანებისთვის გახსნილი ცეცხლისგან დაიღუპა!
საქართველო, 12 ივნისი, საქინფორმი. ნატოს მიერ დაბომბვის დროს დაშვებული შეცდომის შედეგად ზაბულის პროვინციაში საერთაშორისო ძალების კოალიციის ხუთი სამხედრო მოსამსახურე დაიღუპა.
“აშშ-ის თავდაცვის სამინისტრომ დაადასტურა, რომ გამომძიებლები ავღანეთში ხუთი ამერიკელი სამხედრო მოსამსახურის დაღუპვის მიზეზად თავისიანებისთვის გახსნილ ცეცხლს განიხილავენ”, - განაცხადა პენტაგონის ოფიციალურმა წარმომადგენელმა, კონტრადმირალმა ჯონ კირბიმ: “ხუთი ამერიკელი გუშინ ავღანეთის სამხრეთში ჩატარებული სპეცოპერაციის დროს დაიღუპა. გამომძიებლები თავისიანებისთვის ცეცხლის გახსნის შედეგად დაღუპვის შესაძლებლობას განიხილავენ”.
“შემიძლია დავადასტურო, რომ ისინი არჰანდაბის პროვინციაში საკუთარი დაბომბვის შედეგად დაიღუპნენ”, - განაცხადა ღულამის პროვინციის პოლიციის უფროსმა სახი როხლევანიმ.
ავღანეთის არმიის წარმომადგენელმა მოსინ ხანმა დასძინა, რომ ნატოს ჯარისკაცებთან ერთად “მეგობრულ ცეცხლს” ავღანელი ჯარისკაცი და თარჯიმანიც ემსხვერპლნენ.
