პუბლიკაციები
პუტინი - აშშ-ის პოლიტიკის შესახებ: “ნახეთ, მსოფლიოში ყველგან არის ამერიკული ბაზები!”
საქართველო, 5 ივნისი, საქინფორმი. ნაციონალური უსაფრთხოების საკითხებში აშშ-ის პრეზიდენტის მრჩევლის მოადგილე ბენ როდსმა არ გამორიცხა, რომ 6 ივნისს ნორმანდიაში მოკავშირეთა ძალების გადასხმის 70-ე წლისთავისადმი მიძღვნილი საზეიმო ღონისძიებების მიმდინარეობისას ობამა პუტინს გაესაუბრება, თუმცა, მისი თქმით, ფორმალური შეხვედრა დაგეგმილი არ არის. მანამდე ასეთი შეხვედრის შესაძლებლობაზე ობამამაც ილაპარაკა.
“საფუძველი არ მაქვს ვივარაუდო, რომ ობამას რუსეთის პრეზიდენტთან შეხვედრა არ სურს. მაგრამ, ბოლოს და ბოლოს, ეს მისი არჩევანია. მე დიალოგისთვის ყოველთვის მზად ვარ”, - თქვა რფ-ის პრეზიდენტმა ვ. პუტინმა ფრანგულ ტელეარხ TF1-თან და რადიოსადგურ Europe1-თან ინტერვიუებში ნორმანდიაში ვიზიტის წინ, - იუწყება “რია ნოვოსტი”.
მისი აზრით, აშშ ყველა სხვა დიდ სახელმწიფოს შორის ყველაზე აგრესიულ და მკაცრ პოლიტიკას ატარებს. “თანაც წლიდან წლამდე. ჩვენ საზღვარგარეთ სამხედრო ძალები თითქმის არ გვყავს. ნახეთ, მსოფლიოში ყველგან არის ამერიკული ბაზები. ამერიკული ძალები მათი საკუთარი საზღვრებიდან ათასობით კილომეტრზეც არიან”, - აღნიშნა პუტინმა.
