სამართალი
შინაგან საქმეთა მინისტრმა დარიალის ხეობაში მიმდინარე სამუშაოები შეაფასა
საქართველო, 23 მაისი, საქინფორმი. შინაგან საქმეთა მინისტრმა ალექსანდრე ჭიკაიძემ დარიალის ხეობაში მიმდინარე სამაშველო-გაწმენდითი სამუშაოები დაათვალიერა. შსს-ს საგანგებო სიტუაციების მართვის დეპარტამენტის თანამშრომლები ამინდის რთულ პირობებში, 24-საათიან რეჟიმში აგრძელებენ მუშაობას.
სამაშველო-საძიებო სამუშაოები მძიმე ტექნიკის საშუალებით წარმატებით გრძელდება. დარიალის ხეობაში საავტომობილო გზის გაწმენდა სხვადასხვა მხრიდან მიმდინარეობს. მდინარე თერგისა და დევდორაკის შესართავთან ბუნებრივი კალაპოტი გადაკეტილია. წყლის ნაკადი ხელოვნურ არხში გაედინება. დარიალჰესთან მდებარე გვირაბში მეწყერის შედეგად დაგუბებული წყალი დამშრალია.
შსს-ს საგანგებო სიტუაციების მართვის დეპარტამენტის მაშველები გვირაბში საძიებო-სამაშველო სამუშაოებს ჩაატარებენ.
