საქართველო, 21 მაისი, საქინფორმი. გაეროს გენმდივანმა ბენ კი მუნმა და რუსეთის პრეზიდენტმა ვლადიმერ პუტინმა შანხაიში უკრაინის სიტუაციაზე იმსჯელეს. მხარეებმა ქვეყანაში „საყოველთაო დიალოგის“ მეშვეობით კრიზისის პოლიტიკური გზებით დარეგულირების აუცილებლობის შესახებ განაცხადეს.

მსოფლიო ორგანიზაციის ოფიციალური წარმომადგენლის სტეფან დუჟარიკის თქმით, გაეროს გენმდივანმა აღნიშნა, რომ უკრაინაში მოსალოდნელი არჩევნები „ქვეყანაში სტაბილურობისა და ხანგრძლივვადიანი მშვიდობისკენ სვლის საშუალებას მისცემს“.

ამასთან, ბენ კი მუნმა და პუტინმა სირიის სიტუაციაც განიხილეს, კერძოდ, ქვეყანაში პოლიტიკური დარეგულირების შესაძლებლობები და ლტოლვილთა ჰუმანიტარული პრობლემების გადაჭრის გზები.