საქართველო, 14 მაისი, საქინფორმი. საფრანგეთის პრეზიდენტმა საქართველოში ვიზიტი პრემიერ-მინისტრ ირაკლი ღარიბაშვილთან შეხვედრით დაიწყო. საქართველოს პრემიერ-მინისტრსა და საფრანგეთის პრეზიდენტს შორის პირისპირ შეხვედრის შემდეგ გაფართოებული მოლაპარაკებები გაიმართა.

მხარეებმა ორი ქვეყნის ურთიერთობის ძირითად ასპექტებზე ისაუბრეს და სამომავლო თანამშრომლობის გეგმები განიხილეს.

გაფართოებულ შეხვედრაში პრეზიდენტ ფრასუა ოლანდთან ერთად მონაწილეობდნენ -საფრანგეთის რესპუბლიკის საგარეო საქმეთა და საერთაშორისო განვითარების მინისტრის მოადგილე  საგარეო ვაჭრობის, ტურიზმის ხელშეწყობისა და საზღვარგარეთ მცხოვრები ფრანგების საკითხებში  ფლორა პელერინე; საფრანგეთის განათლების, უმაღლესი სწავლებისა და მეცნიერული კვლევების მინისტრის მოადგილე ჟენევიევ ფიორასო; საფრანგეთის რესპუბლიკის პრეზიდენტის სამხედრო კაბინეტის უფროსი გენერალი ბენუა პუგა; საფრანგეთის რესპუბლიკის პრეზიდენტის მრჩეველი ამერიკის, რუსეთის, ბალკანეთის, აღმოსავლეთ ევროპის, კავკასიის, ცენტრალური აზიისა და ევროკავშირის საგარეო პოლიტიკის დარგში ფაბიენ პენონი; საფრანგეთის რესპუბლიკის პრეზიდენტის მრჩეველი საერთაშორისო სტრატეგიისა და კომუნიკაციების საკითხებში კლოდინ რიპერ ლანდლერი; საფრანგეთის რესპუბლიკის საგარეო საქმეთა სამინისტროს კონტინენტური ევროპის  დირექტორი ერიკ ფურნიე; საფრანგეთის რესპუბლიკის საგარეო საქმეთა სამინისტროს კონტინენტური ევროპის  დირექტორის მოადგილე ფრანსუა დელაუსი და საფრანგეთის რესპუბლიკის საგანგებო და სრულუფლებიანი ელჩი საქართველოში რენო სალენსი.