საქართველო, 5 მაისი, საქინფორმი. აგრარული და თავისუფალი უნივერსიტეტები უმასპინძლებენ სამასამდე აბიტურიენტს, რომლებმაც უნივერსიტეტების მიერ გამოცხადებულ სხვადასხვა კონკურსში მიიღეს მონაწილეობა და სასწავლო ვაუჩერები მოიპოვეს.

მოსწავლეებს გაუფორმდებათ ხელშეკრულებები, რის საფუძველზეც მათ ენიჭებათ კანონიერი უფლება, აგრარული და თავისუფალი უნივერსიტეტების კონკრეტულ სკოლებში/ფაკულტეტებზე ჩაბარების შემთხვევაში ისარგებლონ სასწავლო ვაუჩერით და დაიფინანსონ სწავლა. 2014 წელს გამოცხადებულ კონკურსებში თავისუფალმა და აგრარულმა უნივერსიტეტებმა სულ 200 000 ლარამდე სასწავლო ვაუჩერები გასცეს.