საქართველო, 30 აპრილი, საქინფორმი. “დისკრიმინაციის ყველა ფორმის აღმოფხვრის შესახებ” კანონპროექტი პარლამენტის დღის წესრიგში ვერ მოხვდა.

როგორც ბიუროს სხდომაზე განმარტეს, ანტიდისკრიმინაციულ კანონპროექტში ცვლილებები, რომლებიც, შეთანხმებისამებრ, მეორე მოსმენის შედეგად უნდა შევიდეს, ჯერჯერობით პროექტში ასახული არაა, მზადდება დოკუმენტი და სწორედ ამიტომ კანონპროექტი მეორე მოსმენისათვის ბიუროს სხდომაზე დღის მეორე ნახევარში დარეგისტრირდება.

რაც შეეხება კანონპროექტში განხორციელებულ ცვლილებებს, უკვე გადაწყვეტილია, რომ მესამე მუხლიდან ამოღებული იქნება ჩამონათვალი, კერძოდ, ჩამონათვალი - სასკოლო დაწესებულებებში, სასჯელაღსრულების დაწესებულებებში, საჯარო დაწესებულებებში დაუშვებელია დისკრიმინაცია - კანონპროექტიდან ამოიღეს. ეს წარმოადგენდა საპატრიარქოს მოთხოვნას.