აქტუალური
ირაკლი კაკულია - ფოთის მერობის კანდიდატი
საქართველო, 28 აპრილი, საქინფორმი.
ირაკლი კაკულია დაიბადა 1968 წლის 12 დეკემბერს, ქალაქ ფოთში.
1992 წელს დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი ინჟინერ-მშენებელის სპეციალობით, ხოლო 2005 წელს - ივ. ჯავახიშვილის სახელობის სახელმწიფო უნივერსიტეტის იურიდიული ფაკულტეტი.
1992-1994 წლებში იყო კოოპერატივ „ნაბადას“ ბრიგადირი; 1994-1998 წლებში - ქ. ფოთის საგარეო ეკონომიკურ ურთიერთობათა სამმართველოს განყოფილების უფროსი.
2000-2004 წლებში იყო საზოგადოებრივი მოძრაობა „ფოთის ღვთისმშობლის ტაძრის დაბრუნების“ გამგეობის წევრი.
1998-2006 წლებში მუშაობდა შპს „ალდაგი ფოთში“ გენერალურ დირექტორად, ხოლო 2009-2012 წლებში - შპს „აკტაუ სიბარიტის“ დირექტორად.
2002-2009 წლებში იყო პოლიტიკური გაერთიანება „ახალი მემარჯვენეების“ წევრი. 2002-2006 წლებში - ფოთის საკრებულოს წევრი.
2012 წლიდან არის პოლიტიკური გაერთიანება „ქართული ოცნება - დემოკრატიული საქართველოს“ წევრი და ფოთის ორგანიზაციის თავმჯდომარე.
2014 წლიდან დღემდე იყო ქ. ფოთის მერის მოადგილის მოვალეობის შემსრულებელი.
ფლობს ინგლისურ და რუსულ ენებს.
ჰყავს მეუღლე და სამი შვილი.
