საქართველო, 15 აპრილი, საქინფორმი. საქართველოს სოფლის მეურნეობის მინისტრის პირველ მოადგილედ ოთარ დანელია დაინიშნა. ამის შესახებ ინფორმაციას სოფლის მეურნეობის სამინისტრო ავრცელებს.

დღეს მინისტრმა შალვა ფიფიამ თანამშრომლებს მისი ახალი პირველი მოადგილე ოთარ დანელია წარუდგინა, რომელიც თანამდებობაზე დავით შერვაშიძეს ჩაანაცვლებს.

მიმდინარე წლის იანვრიდან ოთარ დანელია შსს-ს მომსახურების სააგენტოს ხელმძღვანელობდა, 2013-2014 წლებში საქართველოს შინაგან საქმეთა სამინისტროს საფინანსო-სამეურნეო დეპარტამენტის უფროსის მოადგილის თანამდებობა ეკავა.