საქართველო, 11 აპრილი, საქინფორმი. საპარლამენტო უმრავლესობის წევრი თინა ხიდაშელის განცხადებით, ბატონი პუტინი სისტემატურად ასრულებს თავის მიზანს - შექმნას ძალადობაზე დაფუძნებული იმპერიული ცივილიზაცია. ამის შესახებ ხიდაშელმა ევროსაბჭოში სიტყვით გამოსვლისას განაცხადა. მისი გამოსვლის ტექსტის ქართულ თარგმანს „რესპუბლიკური პარტია“ ავრცელებს:

„რუსეთი შემოიჭრა საქართველოში, ციდან, მიწიდან, ზღვიდან, დაბომბა ჩვენი ქალაქები, ბულდოზერით გადაუარა ქართულ სოფლებს, მოაწყო ეთნიკური წმენდა. დღესაც იგივე გრძელდება ქვეყნის ბორდერიზაციით. ვიცი, თქვენი ნაწილი ახლა ფიქრობს, რომ ჩვენმა პრეზიდენტმა არ დაუტოვა არჩევანი?! ნება მომეცით შეგახსენოთ, რომ იმის მიუხედავად, რუსულ პროვოკაციებს უპასუხებ თუ თავს შეიკავებ, დღეს უკვე ფაქტია, რომ მსგავს შედეგებს იღებ. რუსეთი მოდის. რუსეთი იპყრობს... ეს არის პუტინის გზა... ბატონი პუტინი სისტემატურად ასრულებს თავის მიზანს - შექმნას ალტერნატიული, იმპერიული ცივილიზაცია, რომელიც ეფუძნება ძალას და ძალადობას. მისი ამბიციები ნათელია - აფართოებს იმპერიას... ადგენს საერთაშორისო თამაშის ახალ წესებს, ქმნის ალტერნატიულ, საკუთარ საერთაშორისო სამართალს...