საქართველო, 28 მარტი, საქინფორმი. გუშინ, 27 მარტს, პუშკინის სკვერში არასამთავრობო ორგანიზაციამ "დედამიწა ჩვენი სახლია" რუსეთის მხარდამჭერი აქცია გამართა. ორგანიზაციის ერთ-ერთი წარმომადგენელი ჟურნალისტებთან კომენტარს აკეთებდა, როდესაც მასთან კონტრაქციის წარმომადგენელი მივიდა და ფიზიკური შეურაცხყოფა მიაყენა (ვიდეორეპორტაჟი იხილეთ აქ).

სიტუაციის განმუხტვას სამართალდამცველები შეეცადნენ. მათ ორი ურთიერთსაწინააღმდეგო აქციის მონაწილეებს შორის ცოცხალი ჯაჭვი გააკეთეს.

„დღეს არცერთმა ქართველმა არ უნდა მოითმინოს ის, რომ საქართველოში რუსული დროშა თავისუფლების მოედანზე გვიფრიალონ. დღეს რომ აქ გვიფრიალებენ, ხვალ სახლში შემოვლენ ჩექმით და დროშით“, - განაცხადა კონტრაქციის ერთ-ერთმა მონაწილემ.