საქართველო, 17 მარტი, საქინფორმი. “რუსეთი მზად არის, ხისტად უპასუხოს უკრაინის სიტუაციის გამო დასავლეთის შესაძლო სანქციებს. პუტინს, რომელიც მოსახლეობის ფართო მხარდაჭერით სარგებლობს, შეუძლია მძიმე ეკონომიკური დარტყმა მიაყენოს ევროპას, შემდეგ კი ორიენტაცია აზიასთან ვაჭრობაზე აიღოს”, - დარწმუნებულია ფრანგული გამოცემა realpolitik.tv-ის ჟურნალისტი ქსავიე მორო. მისი აზრით. რუსეთის “შეუბრალებელი” პასუხი მთელ რიგ გაბედულ ქმედებებს მოიცავს:

- ყველა იმ სახელმწიფოს სავალო ვალდებულებების გაყიდვა, რომლებმაც სანქციები შემოიღეს;

- რუსეთის სახელმწიფოს ან საწარმოების მიერ აღებული ნებისმიერი კრედიტის დაბრუნებაზე უარის თქმა;

- დასავლეთის აქტივების კონფისკაცია;

- მთელი დასავლური ვალუტა გაიყიდება და აზიური სავალუტო რეზერვებით შეიცვლება;

- დასავლეთთან ვაჭრობა დამთავრდება და მთელი ეკონომიკა აზიაზე, კერძოდ, ჩინეთსა და სამხრეთ კორეაზე აიღებს ორიენტაციას, რომლებიც ამ პერსპექტივის თაობაზე უკვე საქმის კურსში არიან და მათთვის ასეთი გაწყვეტა მეტად ხელსაყრელი იქნება;

- დოლარი მთლიანად გამოირიცხება კომერციული ბრუნვიდან.