საქინფორმი: “ბარამიძე - თვითმარქვია შს მინისტრ ავაქიანის მრჩეველი, აშშ-ის დემოკრატიის მხარდაჭერის ნაციონალური ფონდის ხელშეწყობით, მერაბიშვილის პოლიცაებისგან ზონდერრაზმებს აყალიბებს უკრაინაში სადამსჯელო ოპერაციების ჩასატარებლად?!”

რედაქტორისგან

dyadya-pol-1 თემურ ბიძიას და გიული ალასანიას ნამდვილად შეუძლიათ, იამაყონ თავიანთი გაზრდილით: თუ ჰიტლერი მე-20 საუკუნის №1 ბოროტმოქმედია, სააკაშვილი 21-ე საუკუნის №1 დამნაშავედ იქცა მას შემდეგ, რაც ევროპის შუაგულში ფაშიზმი ააღორძინა და უკრაინაში სისხლიან გადატრიალებას ჩაუდგა სათავეში.

მას შემდეგ, რაც სააკაშვილის „ნაციონალისტური მოძრაობის“ დაქირავებული პირები სამი თვის განმავლობა-ში ევრომაიდნის ბარიკადებიდან „მოლოტოვის კოქტეილებს“ ისროდნენ, სადაც ამჟამად იმავე სააკაშვილის „თავისუფალი ზონის“ კარვებში დივერსანტებს ბანდერთა გვარდიაში აწევრიანებენ, „საქინფორმს“ კომპეტენტური უკრაინული წყაროებიდან მოუვიდა ინფორმაცია, რომ უკრაინის შინაგან საქმეთა სამინისტროს განკარგულებაში გადადიან საქართველოს შსს-ს ყოფილი თანამშრომლებით დაკომპლექტებული ტერორისტული ჯგუფები.

ირაკლი ღარიბაშვილის მინისტრობის პერიოდში შს ორგანოებიდან დათხოვნილი მერაბიშვილის ზონდერები, რომელთა კისერზეც უამრავი სისხლიანი დანაშაულია, აპირებენ, მკვლელობები ახლა უკვე უკრაინაში გააგრძელონ, რათა გაექცნენ ქართულ მართლმსაჯულებას. ცნობილი ხდება ისიც, რომ უკრაინის შინაგან საქმეთა თვითგამოცხადებული მინისტრი არსენ ავაქიანი თითოეულ ქართველ „ბოევიკს“ 2000 დოლარს გადაუხდის და სადამსჯელო ოპერაციების განსახორციელებლად გადაისვრის დაუმორჩილებელ სამხრეთ-აღმოსავლეთ უკრაინაში, სადაც კიეველი მილიციონერები ბინძური დავალების შესრულებისაგან თავს იკავებენ.

უკრაინაში გასაგზავნი სადამსჯელო კონტინგენტის ფორმირებას თბილისში ხელმძღვანელობს პარლამენტარი ბარამიძე, რომელიც, პრემიერ-მინისტრ ღარიბაშვილის მიერ „საზოგადოებრივი მაუწყებლის“ ეთერში გაკეთებული განცხადებით, უკრაინის შს მინისტრ ავაკიანის მრჩეველია. და რაც ყველაზე მნიშვნელოვანია, წყაროს ცნობით, ეს ყველაფერი ხდება აშშ-ის დემოკრატიის მხარდამჭერი ნაციონალური ფონდის (NED) ძალისხმევით, რომელიც საქართველოში ძალოვან სტრუქტურებთან, კერძოდ, თავდაცვის უწყებასთან დაკავშირებულ რამდენიმე პროექტს აფინანსებს.

უკრაინელო ძმებო, ჩვენ გულით თანაგიგრძნობთ მოსალოდნელ განსაცდელში, რადგან, სააკაშვილისა და მისი „თავისუფალი ზონის“ კვალდაკვალ, თქვენკენ მოემართებიან უკვე პროფესიონალი მკვლელები, რომლებიც ატერორებდნენ ქართველ ხალხს მთელი 9 წლის მანძილზე!

„საქინფორმი“, ცხადია, შეეცდება, გადაამოწმოს აღნიშნული ინფორმაცია, მაგრამ აქვე დაბეჯითებით მოუწოდებს საქართველოს შესაბამის სტრუქტურებს, შეისწავლონ არსებული ვითარება საკუთარი არხებით და დადასტურების შემთხვევაში, მიიღონ გადამჭრელი ზომები.

ვაფრთხილებთ საქართველოს მთავრობას: აშშ და ევროპა უკვე გამალებით ცდილობენ, რაც შეიძლება „ლამაზად“ გამოვიდნენ არსებული მდგომარეობიდან და გაემიჯნონ უკრაინელ ნეოფაშისტებს, რომლებსაც წინდაუხედავად უჭერდნენ მხარს და „დაბალი ღობე“, როგორც ეს უახლეს ისტორიაში არაერთხელ მომხდარა, შეიძლება ისევ საქართველო აღმოჩნდეს...