საქართველო, 14 მარტი, საქინფორმი. ცეცხლსასროლი იარაღი, საბრძოლო მასალები და ათზე მეტი რეაქტიული ნაღმმტყორცნია გატაცებული ლვოვის ოლქის შინაგანი ჯარების საწყობიდან. ამის შესახებ უკრაინის შს ცენტრალური აპარატი იუწყება.

უწინ იუწყებოდნენ, რომ 2014 წლის თებერვლის ბოლოს რადიკალების მიერ მილიციის რაიონული განყოფილებებისა და შინაგანი ჯარების ნაწილების ხელში ჩაგდების შედეგად ლვოვში 1.2 ათასზე მეტი ცეცხლსასროლი იარაღი გაიტაცეს. გაქრა ათასამდე „მაკაროვის“ პისტოლეტი, 123 ხელყუმბარა, ასევე 12 რეაქტიული ცეცხლმტყორცნი „შმელი“. გამოძიების მსვლელობისას ასევე დადგინდა, რომ საწყობებში ფ-1 ტიპის ათასხუთასი ყუმბარისა და საბრძოლო მასალების მნიშვნელოვანი დანაკლისია.

იარაღის ნაწილი, შესაძლოა, აღმოსავლეთ და სამხრეთ-აღმოსავლეთ ევროპის სოციალურ-პოლიტიკური ვითარების თვალსაზრისით არამშვიდ რეგიონებში მოხვდეს, - მიაჩნია სტრატეგიებისა და ტექნოლოგიების ანალიზის ცენტრის დირექტორს რუსლან პუხოვს.