საქართველო, 12 მარტი, საქინფორმი. ყირიმში  რუსეთის ქმედებების მხარდაჭერის გამო რუსეთის სახალხო არტისტ სერგეი ბეზრუკოვის თბილისში დაგეგმილი სპექტაკლი გააუქმეს და ამის შესახებ ოფიციალურად აცნობეს მისი თეატრის ადმინისტრაციას.

"საქართველოში არასოდეს არცერთ მსახიობს არ ჩამოვიყვან, ვინც ანტიდემოკრატიულ გადაწყვეტილებას მიიღებს ჩვენი ქვეყნის წინაშე, ნებისმიერი ფორმით. ეს იგივეა, რომ მხარი დაუჭირონ აფხაზეთის და ცხინვალის რეგიონის ოკუპაციას", - განაცხადა კულტურის პალატის პრეზიდენტმა დავით ოქიტაშვილმა, რომლის თქმითაც, საშინელებაა, როდესაც კულტურის მუშაკები პოლიტიკაში ერევიან.

ზემოთქმულთან დაკავშირებით საქართველოს კულტურის პალატამ ოფიციალური განცხადებაც გაავრცელა.