პოლიტიკა
შეხვედრა გერმანულ „კომერცბანკთან“
საქართველო, 6 მარტი, საქინფორმი. გუშინ, 5 მარტს, საქართველოს პრემიერ–მინისტრი ირაკლი ღარიბაშვილი გერმანიის „კომერცბანკის“ წარმომადგელებს შეხვდა. გაცნობითი ხასიათის შეხვედრაზე მხარეებმა ქვეყნის ეკონომიკური განვითარების შესაძლებლობები და თანამშრომლობის პერსპექტივები განიხილეს. პრემიერმა სტუმრებს საქართველოს ახალი მთავრობის ეკონომიკური ხედვები და არსებული საინვესტიციო გარემო გააცნო.
„კომერცბანკის “ წარმომადგენლებმა დაადასტურეს ინტერესი ქართული ბაზრისადმი და საქართველოსთან მჭიდრო ეკონომიკური თანამშრომლობის სურვილი გამოთქვეს.
გერმანულ "კომერცბანკს" წარმომადგენლობა მსოფლიოს 50 ქვეყანაში აქვს და 14 მილიონზე მეტ მომხმარებელს ემსახურება.
შეხვედრა მთავრობის კანცელარიაში გაიმართა და მას სს „კომერცბანკის“ დირექტორთა საბჭოს წევრი შტეფან შმიტმანი, ფინანსური ინსტიტუტების ხელმძღვანელი პიერ ფიშერი, „კომერცბანკის“ წარმომადგენელი საქართველოში მარკო გრაფი, ასევე გერმანიის ფედერაციული რესპუბლიკის საგანგებო და სრულუფლებიანი ელჩი საქართველოში ორთვინ ჰენიგი და საქართველოს ფინანსთა მინისტრი ნოდარ ხადური დაესწრნენ.
