საზოგადოება
საქართველოს სამთავრობო დელეგაცია პრემიერ-მინისტრის მეთაურობით აშშ-ში მიემგზავრება
საქართველო, 20 თებერვალი, საქინფორმი. საქართველოს სამთავრობო დელეგაცია პრემიერ-მინისტრის მეთაურობით ამერიკის შეერთებულ შტატებში მიემგზავრება. ირაკლი ღარიბაშვილმა ამერიკაში ვიზიტის მნიშვნელობაზე მთავრობის დღევანდელი სხდომის დასაწყისში ისაუბრა.
"ეს არის პირველი უმაღლესი რანგის ვიზიტი ამერიკის შეერთებულ შტატებში ჩვენი ხელისუფლებისთვის. ვიზიტის მნიშვნელობა უაღრესად დიდია. ჩვენ გვექნება მუშაობა და შეხვედრები სხვადასხვა მიმართულებით და ეს არის კიდევ ერთი დასტური იმისა, რომ ჩვენსა და ამერიკის შეერთებულ შტატებს შორის ურთიერთობა გაღრმავდება, ხელი შეეწყობა მის გაღრმავებას და წინსვლას", - აღნიშნა ირაკლი ღარიბაშვილმა.
საქართველოს სამთავრობო დელეგაციის ვიზიტი ამერიკის შეერთებულ შტატებში 22 თებერვლიდან 1 მარტამდე გაგრძელდება.
