საქართველო, 19 თებერვალი, საქინფორმი. დავით უსუფაშვილმა მედიას განუცხადა, რომ „ქართული ოცნების“ გადაწყვეტილებით, არაკვალიფიციურმა პარტიებმაც შეიძლება იყოლიონ საარჩევნო უბნებზე ბიუჯეტიდან დაფინანსებული წარმომადგენლები. ამისათვის საჭიროა, ასეთი პარტიები გაერთიანდნენ და უკანასკნელ საპარლამენტო და თვითმმართველობის არჩევნებზე მათ მიერ მიღებულმა ხმების ჯამმა შეადგინოს 2%.

უსუფაშვილი თაღლითობს, რადგან ამგვარი რამ თეორიულად შეუძლებელია. უკანასკნელ საპარლამენტო არჩევნებზე ხმების 95.31% გადანაწილდა „ქართულ ოცნებას“ და „ნაციონალურ მოძრაობას“ შორის, ასევე სხვა კვალიფიციურმა პარტიებმა დააგროვეს 2%–ზე მეტი. ამდენად, ხელისუფლება გვთავაზობს არაკვალიფიციურ პარტიებს („თავისუფალი საქართველო“, „ედპ“, ლეიბორისტული პარტია) ერთ ბლოკად გაერთიანებას და ამ შემთხვევაშიც ჯამში ხმების რაოდენობა გამოდის 1.65%.

ეს წარმოადგენს საზოგადოებისთვის, უპირველესად კი ევროპელი პარტნიორებისთვის თვალის ახვევის მცდელობას და ისეთი ფონის შექმნას, თითქოს მმართველი გუნდი ზრუნავს პროცესის გაჯანსაღებაზე. რეალურად, თუ ხელისუფლებას ამის სურვილი აქვს, თავი დაანებოს თვალთმაქცურ ინიციატივებს და განახორციელოს ის ცვლილებები, რომლებიც თავად აქვს შემუშავებული „რვიანის“ ფორმატში.