საქართველო, 11 თებერვალი, საქინფორმი. საქართველოს პრეზიდენტი ამერიკელი კონგრესმენების წერილის გამოქვეყნებით მოხარულია. გიორგი მარგველაშვილის განცხადებით, მას თბილისშიც ჰქონდა შეხვედრა კონგრესმენებთან და მათი მზაობა და ჩართულობა, ნატოში უფრო სწრაფ და ეფექტურ ინტეგრაციასთან დაკავშირებით, მაშინაც გამოვლინდა.

"კარგია, რომ ამაზე მუშაობა არც ერთი წამით არ ჩერდება და ჩვენი მეგობარი კონგრესმენები ამას ყოველდღიურად აკეთებენ და ასეთი ინიციატივის ფორმას აძლევენ. ვიმედოვნებ, ნელ-ნელა ეს სულისკვეთება, რაც არის უაღრესად სწორი და მომგებიანი არა მხოლოდ საქართველოსთვის, არამედ მთელი რეგიონისთვის, სულისკვეთება, რომელიც გადაწყვეტს ბევრ პრობლემას რეგიონში, გაზიარებული იქნება არა მხოლოდ აშშ-ის, არამედ ჩვენი სხვა მეგობარი ქვეყნების მიერაც და ეს ტენდენცია ამ წლის შემდეგ კიდევ უფრო გაძლიერდება", - აღნიშნა საქართველოს პრეზიდენტმა.