უცხოეთი
სააკაშვილი აშშ-ში განხეთქილებაში მყოფი „კიევის საპატრიარქოს“ წინამძღვარ ფილარეტს შეხვდა

saakaSvili-ucx-1საქართველო, 10 თებერვალი, საქინფორმი. საქართველოს ყოფილი პრეზიდენტი მიხეილ სააკაშვილი აშშ-ში განხეთქილებაში მყოფი „კიევის საპატრიარქოს“ წინამძღვარ ფილარეტს (დენისენკო) შეხვდა და 85 წლის იუბილე მიულოცა. ინფორმაცია შეხვედრის შესახებ მიხეილ სააკაშვილმა „ფეისბუქის“ საკუთარ გვერდზე განათავსა.

აღნიშნული ინფორმაციის თანახმად, „პატრიარქმა“ ფილარეტმა გაიხსენა მიხეილ სააკაშვილის ბოლო გამოსვლა საქართველოს პრეზიდენტის რანგში გაეროს გენერალური ასამბლეის სხდომაზე და ხაზი გაუსვა მის დიდ მნიშვნელობას. საუბარი უკრაინულად წარიმართა და მისი ერთ-ერთი უმთავრესი თემა უკრაინაში განვითარებული მოვლენები იყო.

დენისენკომ მიხეილ სააკაშვილს თავისი წიგნი უსახსოვრა.

როგორც ცნობილია, საქართველოს ექსპრეზიდენტმა ახალი პრეზიდენტის ინაუგურაციის შემდეგ ქვეყანა დატოვა და აშშ-ში გადასახლდა, სადაც ერთ-ერთ უმაღლეს სასწავლებელში სტუდენტებს ლექციებს უკითხავს.