აქტუალური
საქართველოს პრემიერ–მინისტრმა სახელმწიფო დაცვის სპეციალური სამსახურის უფროსად თემურ მღებრიშვილი წარადგინა
საქართველო, 7 თებერვალი, საქინფორმი. საქართველოს პრემიერ–მინისტრმა ირაკლი ღარიბაშვილმა გუშინ სახელმწიფო დაცვის სპეციალური სამსახურის უფროსის თანამდებობაზე თემურ მღებრიშვილი წარადგინა. თემურ მღებრიშვილმა ამ თანამდებობაზე ანზორ ჩუბინიძე შეცვალა, რომელმაც პირადი განცხადების საფუძველზე გათავისუფლების თაობაზე პრემიერ–მინისტრს 22 იანვარს მიმართა.
საქართველოს პრემიერ–მინისტრმა ირაკლი ღარიბაშვილმა ანზორ ჩუბინიძეს მადლობა გადაუხადა გაწეული მუშაობისთვის და წარმატებები უსურვა შემდგომ საქმიანობაში.
სახელმწიფო დაცვის სპეციალური სამსახურის უფროსის თანამდებობაზე დანიშვნამდე თემურ მღებრიშვილი მუშაობდა შსს სპეციალური და საგანგებო ღონისძიებების ცენტრის სტრატეგიული ობიექტების დაცვის დეპარტამენტის დირექტორად. მას აღნიშნულ სტრუქტურაში სხვადასხვა პოზიციაზე მუშაობის 18-წლიანი გამოცდილება აქვს.
