საქართველო, 5 თებერვალი, საქინფორმი. საქართველოს პრემიერ-მინისტრი ირაკლი ღარიბაშვილი, ბრიუსელში სამუშაო ვიზიტის ფარგლებში, ევროპული საბჭოს პრეზიდენტს ჰერმან ვან რომპუის შეხვდა. შეხვედრაზე განიხილეს საქართველო-ევროკავშირის თანამშრომლობის საკითხები და ევროკავშირში ინტეგრაციის გზაზე მიღწეული მნიშვნელოვანი პროგრესი.

ევროპული საბჭოს პრეზიდენტის მხრიდან კიდევ ერთხელ დადასტურდა ევროკავშირის მზაობა, საქართველოსთან ასოცირების შეთანხმებას რაც შეიძლება უმოკლეს ვადაში მოეწეროს ხელი. საუბარი შეეხო საქართველოში უსაფრთხოების კუთხით არსებულ სიტუაციას და ამ მხრივ ევროკავშირის როლის გააქტიურების მნიშვნელობას.