საქართველო, 21 იანვარი, საქინფორმი. საქართველოს პრეზიდენტი თურქეთის რესპუბლიკაში სახელმწიფო ვიზიტის ფარგლებში თურქეთის პრემიერ-მინისტრ რეჯეფ თაიიფ ერდოღანს შეხვდა. 

მხარეებმა საქართველო-თურქეთის, როგორც საიმედო და სტრატეგიული პარტნიორების ურთიერთობა და სამომავლო თანამშრომლობის პერსპექტივები განიხილეს. საუბრისას აღინიშნა, რომ თურქეთი საქართველოს ნომერი პირველი სავაჭრო პარტნიორია და ქართული მხარისთვის პრიორიტეტული და მნიშვნელოვანია როგორც მეტი ხელმისაწვდომობა თურქულ ბაზარზე, ისე ქართული პროდუქციის ექსპორტისათვის ტექნიკური ბარიერების აღმოფხვრა.

ამას გარდა, საუბარი შეეხო იმ მნიშვნელოვან პროექტებს, რომლებსაც ორი ქვეყანა ერთობლივად ახორციელებს, მათ შორის ბაქო-თბილისი-ყარსის სარკინიგზო მაგისტრალის მშენებლობისა და კულტურული მემკვიდრეობის დაცვის მიმართულებით.