უცხოეთი
კიევში ოპოზიციის მომხრეებსა და მილიციას შორის შეტაკებები განახლდა

v-kieveსაქართველო, 20 იანვარი, საქინფორმი. კიევის ცენტრში, გრუშევსკის ქუჩაზე ოპოზიციის მომხრეებსა და სამართალდამცავი ორგანოების თანამშრომლებს შორის შეტაკებები განახლდა. ამ დროისთვის იქ იმყოფება 2 ათასი მომიტინგე, რომელთა უმეტესობას აირწინაღები უკეთია. ისინი სამართალდამცველებს პეტარდებს უშენენ. მილიცია კი ცრემლსადენ გაზს იყენებს. გრუშევსკის ქუჩა გადაკეტილია დამწვარი ტექნიკის ნაშთებით, რომლის მიღმა რამდენიმე ასეული ფარიანი მილიციის თანამშრომელი და მილიციის ურიცხვი ავტობუსი დგას.

გრუშევსკის ქუჩაზე მასობრივი არეულობების გამოძიების ფარგლებში დაკავებულია 9 კაცი. სულ მილიციის თანამშრომლება 20 ადამიანი დააკავეს, რომლებიც რაიონულ განყოფილებაში გადაიყვანეს. მათი ვინაობა და მოვლენებში მონაწილეობის ხარისხი დგინდება, - იტყობინებიან უკრაინის შსს-დან. დაკავებულთა შორის არიან სხვადასხვა პოლიტიკური პარტიის წარმომადგენლები.

კიევის ჯანდაცვის დეპარტამენტის მონაცემებით, სასწრაფო დახმარების ექიმთა ბრიგადებს აქციის 103-მა მონაწილემ მიმართა, 42 დაშავებული ჰოსპიტალიზებულია, 4-მა მძიმე ხარისხის ტრავმები მიიღო. თავის მხრივ, უკრაინის შსს აცხადებს, რომ სასწრაფო სამედიცინო დახმარება დასჭირდა უწყების 100-მდე თანამშრომელს, რომელთაგან 61 ჰოსპიტალიზებულია.

შეტაკებები მას შემდეგ დაიწყო, რაც შსს-ს თანამშრომლება მომიტინგეები უმაღლესი რადას შენობასთან არ მიუშვეს. ისინი პარლამენტის დაბლოკვას გეგმავდნენ, რათა დეპუტატებს 16 იანვარს მიღებული კანონები გაეუქმებინათ.

24 ნოებრიდან 11 დეკემბრადე კიევში მომხდარი მოვლენების ფაქტებზე 40 სისხლის სამართლის საქმეა აღძრული.