საქართველო, 16 იანვარი, საქინფორმი. დღეს 11 საათზე სასტუმრო „შერატონ მეტეხი პალასში“ დაიწყო საქართველოს პრემიერ-მინისტრ ირაკლი ღარიბაშვილის პირველი ოფიციალური პრესკონფერენცია ადგილობრივი და საერთაშორისო მედიის წარმომადგენლებისათვის, სადაც, მან, კერძოდ, განაცხადა, რომ არ მიიღებს კრიტიკას ე.წ. ოპოზიიციისგან.

როგორც პრემიერმა აღნიშნა, ის ტრადიცია, რომელიც ბიძინა ივანიშვილმა დაამკვიდრა, გაგრძელდება, გაკეთდება განრიგი და ყველა მინისტრი წარდგება მედიის წინაშე.

ირაკლი ღარიბაშვილის თქმით, ის ასევე აპირებს გამართოს ინტენსიური შეხვედრები სხვადასხვა არასამთავრობო ორგანიზაციებთან, ასევე ექსპერტებთან და, რა თქმა უნდა, ჟურნალისტებთან.