უცხოეთი
ოლიმპიადის პერიოდში საქართველოს დედაქალაქსა და სოჭს შორის პირდაპირი ავიამიმოსვლა აღდგება
საქართველო, 15 იანვარი, საქინფორმი. 2008 წლის შემდეგ პირველად თბილისსა და სოჭს შორის პირდაპირი სამგზავრო ჩარტერული ავიარეისები აღდგება. ისინი ამოქმედდება ოლიმპიადის დაწყებამდე სამი დღით ადრე - 2014 წლის 4 თებერვალს და ფრენებს კვირაში ორჯერ - სამშაბათსა და ხუთშაბათს კომპანია Airzena Georgian Airlines განახორციელებს.
ავიაკომპანიის ხელმძღვანელთა თქმით, „ოლიმპიადასთან დაკავშირებით მათ რუსეთის მხარეს სთხოვეს, თბილისსა და სოჭს შორის ჩარტერული რეისების განხორციელების ნება მიეცა“, - წერს „კომერსანტი“. რუსეთმაც ნება დართო.
ავიაკომპანიის წარმომადგენელთა თქმით, რეისები მაისამდე და, შესაძლოა, ზაფხულის პერიოდშიც გაგრძელდეს.
