საქართველო, 15 იანვარი, საქინფორმი. ზაქარია ფალიაშვილის ოპერისა და ბალეტის თეატრის სამხატვრო ხელმძღვანელი გიორგი ჟორდანია თანამდებობიდან გადადგა.

"გულდასაწყვეტია, რომ ასეთი დაძაბულობა და ასეთი სიტუაცია შეიქმნა. არანაირად არ მიღირს მე, ვინაიდან ოპერაზე ძალიან გული შემტკივა, ბავშვობიდან ოპერაში ვარ და ეს არის ჩემი სახლი, არანაირი სკამი არაფრად არ ღირს. მე მივიღე გადაწყვეტილება, რომ დავტოვო ეს პოსტი. დღეს მე ოპერის სამხატვრო ხელმძღვანელი აღარ ვარ", - განაცხადა ჟორდანიამ კულტურის სამინისტროში გუშინ გამართული შეხვედრის შემდეგ.

კულტურის მინისტრმა გურამ ოდიშარიამ გიორგი ჟორდანიას ეს გადაწყვეტილება მოუწონა და, ამასთან, სამხატვრო ხელმძღვანელის არჩევნებში მონაწილეობის მიღება ურჩია.

„ჩვენ დღესაც შევხვდით გიორგი ჟორდანიას. ჩვენ მეგობრები ვართ. ვისაუბრეთ, მან მიიღო თავისი გადაწყვეტილება, რასაც მე ვაფასებ. რაც შეეხება ოპერის ხვალინდელ დღეს, ხვალ დილიდან დავიწყებთ ზრუნვას“, - განაცხადა კულტურის მინისტრმა.