საქართველო, 9 იანვარი, საქინფორმი. შინაგან საქმეთა სამინისტრო გასული 2013 სრული კალენდარული წლის დანაშაულის სტატისტიკას აქვეყნებს. მონაცემები კრიმინოგენულ მდგომარეობას როგორც ქვეყნის მასშტაბით, ასევე რეგიონების მიხედვით ასახავს. 2013 წელს, გასული წლის ანალოგიურ მაჩვენებელთან შედარებით, დანაშაულის 10036 ერთეულით კლება დაფიქსირდა, რაც 25,7%-ს შეადგენს. გახსნის მაჩვენებელმა 40,9%-ით მოიმატა და 59,9%-ს შეადგენს.

შსს ასევე აქვეყნებს დეკემბრის თვის სტატისტიკურ მონაცემებს ქვეყნის მასშტაბით და რეგიონების მიხედვით. 2013 წლის დეკემბერში ქვეყნის მასშტაბით დანაშაულმა 1470 ერთეულით იკლო, რაც 36,9%-ია, ხოლო გახსნის მაჩვენებელმა გასული წლის ანალოგიურ პერიოდთან შედარებით 27,4%-ით მოიმატა და 50,2%-ს შეადგენს.

2013 წლის 12 თვის მონაცემები 2012 წლის ანალოგიურ პერიოდთან შედარებით:

ქვეყნის მასშტაბით:

2013 წელს:

მომხდარი დანაშაული: 28970

აქედან გახსნილი: 17339

გახსნის მაჩვენებელი: 59,9%

2012 წელს:

მომხდარი დანაშაული: 39006

აქედან გახსნილი: 7394

გახსნის მაჩვენებელი: 19%

დანაშაულის კლება: 10036 (25,7%)

გახსნის მაჩვენებლის მატება: 40,9%