საქართველო, 30 დეკემბერი, საქინფორმი. უკრაინის ხელისუფლება ელის, რომ ევროკავშირთან ასოცირებისა და თავისუფალი სავაჭრო ზონის შეთანხმებაზე ხელმოწერის პირველ ეტაპზე მიყენებული ზარალი  ანაზღაურდება, - განაცხადა უკრაინის პრემიერმა ნიკოლაი აზაროვმა.

"ჩვენ დავაყენეთ კიდევ ერთი პირობა, რათა ჩვენი მოლაპარაკებები დასრულდეს, - ეს პირობა არის ამ შეთანხმებების ე. წ. იმპლემენტაცია ანუ რეალიზაცია. ვნახოთ, თავისუფალი სავაჭრო ზონის შეთანხმების პირველ ეტაპზე მოყენებული ზარალის კომპენსაციას ველით", - განაცხადა აზაროვმა პარასკევს უკრაინის პირველი ნაციონალური სატელევიზიო არხის ეთერში.

უკრაინის პრემიერ-მინისტრის თქმით, ევროკავშირთან უკრაინის უარყოფითმა სავაჭრო სალდომ  10 მილიარდი ევრო შეადგინა. აზაროვმა აღნიშნა, რომ ოფიციალურმა კიევმა რუსეთის ფედერაციასთან სავაჭრო პრობლემების არსებობის პერიოდში  დახმარების თხოვნით ევროკავშირს მიმართა.