საზოგადოება
ირინა იმერლიშვილი: „უშიშროების საბჭოს აპარატისთვის მაღალი დაცულობის მქონე ტექნიკა აუცილებელია“
საქართველო, 27 დეკემბერი, საქინფორმი. უშიშროების საბჭოს აპარატი საიდუმლო და სრულიად საიდუმლო დოკუმენტაციაზე მუშაობს და მისთვის მაღალი დაცულობის ტექნიკა აუცილებელია, – ასე ეხმაურება ეროვნული უშიშროების საბჭოს მდივანი ირინა იმერლიშვილი “ნაციონალური მოძრაობის” დღევანდელ განცხადებას, რომლის თანახმად, იმერლიშვილი საკუთარი კომფორტითაა დაკავებული.
„სახელმწიფო ბიუჯეტში გარღვევამ, ანუ დანაკლისმა მიაღწია 800 მილიონ ლარს, ეკონომიკას დააკლდა მილიარდ-ნახევარი ლარი, იზრდება უმუშევრობა და სიღარიბე, ხოლო მომავალ წელს მთავრობა აპირებს, ქართველი ხალხი დაამძიმოს მილიარდ 600 მილიონი ახალი ვალით და, ამავე დროს, 2014 წელი იქნება პირველი წელი, როცა არ იზრდება პენსია. მეტიც, ჩინოვნიკებს, მათ შორის – მაღალი თანამდებობის პირებს, რომელთაც ხელფასი ისედაც რამდენიმე ათასი ლარი აქვთ, ანაზღაურება ეზრდებათ 137 მლნ ლარით”, – ნათქვამია “ნაციონალური მოძრაობის“ განცხადებაში.
