საქართველო, 13 დეკემბერი, საქინფორმი. უცნობმა პირებმა კიევის საქალაქო სახელმწიფო ადმინისტრაციის საფინანსო დეპარტამენტის რამდენიმე კაბინეტის კარები გატეხეს, რის შედეგადაც დაიკარგა ტექნიკა და დოკუმენტები, - ამის შესახებ დაზარალებული დეპარტამენტის დირექტორმა ვლადიმერ რეპიკმა განაცხადა.

მისივე თქმით, უცნობმა პირებმა კრეშჩატიკზე კიევის ადმინისტრაციის შენობის მეშვიდე სართულზე მდებარე რამდენიმე კაბინეტის კარი გატეხეს. ჩინოვნიკის თქმით, უცნობებმა საფინანსო დეპარტამენტის დირექტორის, მთავარი ბუღალტრისა და მოლარის კაბინეტებში შეაღწიეს, საიდანაც ორგტექნიკა და ფინანსური ხასიათის დოკუმენტები გაუჩინარდა.