საქართველო, 11 დეკემბერი, საქინფორმი. ხალხს იმისთვის არ ავურჩევივართ, რომ ამ ტიპის ინციდენტებით და შემდეგ – პლენარულ სხდომაზე მათი გარჩევებით ვიყოთ დაკავებული, – ამის შესახებ პარლამენტის თავმჯდომარე დავით უსუფაშვილმა პლენარული სხდომის განახლების შემდეგ იმ ინციდენტთან დაკავშირებით განაცხადა, რომელიც ბარამიძესა და ჯაჭვლიანს შორის მოხდა.

“ჩვენ ხალხს იმისთვის არ ავურჩევივართ, რომ ამ ტიპის ინცინდენტებით ვიყოთ დაკავებული და შემდეგ – მისი გარჩევებით პლენარულ სხდომაზე. სხდომა გრძელდება. მე შესვენების დროს მექნება კონსულტაცია უმრავლესობასა და უმცირესობასთან, რათა თავისი სახელი ეწოდოს დღეს მომხდარს. ვიმსჯელებთ, როგორ ავიცილოთ თავიდან მსგავსი გართულებები, რაოდენ მწვავე და ემოციურ საკითხსაც არ უნდა ეხებოდეს საქმე და პარლამენტის წევრის გამოსვლა”, – განაცხადა დავით უსუფაშვილმა.