უცხოეთი
ბაიდენმა იანუკოვიჩს ოპოზიციის ლიდერებთან დიალოგის დაწყებისკენ მოუწოდა

1-baiden-ianukoviCსაქართველო, 10 დეკემბერი, საქინფორმი. აშშ-ის ვიცე-პრეზიდენტი ჯოზეფ ბაიდენი უკრაინის პრეზიდენტ ვიქტორ იანუკოვიჩს დემონსტრანტების წინააღმდეგ ძალის გამოუყენებლობაზე ესაუბრა.

თეთრი სახლის ვებგვერდზე განთავსებული ინფორმაციის თანახმად, ბაიდენსა და იანუკოვიჩს შორის სატელეფონო საუბარი დღეს შედგა.

"აშშ-ის ვიცე-პრეზიდენტმა აღნიშნა, რომ დემოკრატიულ საზოგადოებაში ძალადობის ადგილი არ არის და ეს უკრაინა-აშშ-ის სტრატეგიულ ურთიერთობასთან შეუთავსებელია", - აღნიშნულია თეთრი სახლის განცხადებაში.

ჯოზეფ ბაიდენმა უკრაინაში ძალადობის შესაძლო ზრდასთან დაკავშირებით შეშფოთება გამოთქვა და იანუკოვიჩს ქვეყანაში არსებული სიტუაციის დაუყოვნებლივ დესკალაციისკენ, ასევე ოპოზიციასთან დიალოგისკენ მოუწოდა.

აშშ-ის ვიცე-პრეზიდენტმა აღნიშნა, რომ მხარს უჭერს უკრაინის ევროპულ მისწრაფებებს და მიესალმება ქეთრინ ეშტონისა და ვიქტორია ნულანდის ვიზიტს კიევში.