პოლიტიკა
„ნაციონალურმა მოძრაობამ“ პარტიის მდივნები აირჩია
საქართველო, 2 დეკემბერი, საქინფორმი. ორი დღის წინ "ერთიანი ნაციონალური მოძრაობის" გენერალურმა მდივანმა ვანო მერაბიშვილმა “ფეისბუქის” საკუთარ გვერდზე პარტიის სხვადასხვა მიმართულებაზე პასუხისმგებელი მდივნების თანამდებობებზე თავისი კანდიდატურები წარმოადგინა და იქვე აღნიშნა, რომ უახლოეს მომავალში გაიმართება შიდა პარტიული არჩევნები, რომლის შედეგადაც ჩამოყალიბდება პარტიის ახალი მმართველი შემადგენლობა.
და აი, გუშინ გამართულ სხდომაზე „ერთიანი ნაციონალური მოძრაობის" პოლიტიკურმა საბჭომ სხვადასხვა თანამდებობაზე მდივნები დაამტკიცა.
პარტიის აღმასრულებელი მდივანი მიხეილ მაჭავარიანი გახდა, რეგიონული მდივანი - ნუგზარ წიკლაური, ადმინისტრაციული მდივანი - ხათუნა გოგორიშვილი, მედია მდივანი - ირმა ნადირაშვილი, პოლიტიკური მდივანი - ზურაბ ჯაფარიძე, საგარეო ურთიერთობათა მდივანი - გიგა ბოკერია, სტრატეგიული და ორგაზინაციული განვითარების მდივანი - გიორგი ვაშაძე, სამოქალაქო საზოგადოებასთან ურთიერთობის მდივანი - ზურაბ ჭიაბერაშვილი.
 |
