საქართველო, 29 ნოემბერი, საქინფორმი. ევროკავშირის წარმომადგენლებმა უკრაინის პრეზიდენტი ვიქტორ იანუკოვიჩი ვერ დაიყოლიეს, ასოცირების შეთანხმებაზე ხელი მოეწერა, - ამის შესახებ AFP იტყობინება. „აღმოსავლეთ პარტნიორობის“ სამიტის ფარგლებში იანუკოვიჩის, ევროპის საბჭოს თავმჯდომარე ჰერმან ვან რომპეისა და ევროკომისიის ხელმძღვანელ ჟოზე მანუელ ბაროზუს შეხვედრისას შედეგი მიღწეული არ იქნა.

„ვერავითარ პროგრესს ვერ მივაღწიეთ“, - განაცხადა ერთ-ერთმა ევროპელმა დიპლომატმა, რომელმაც ვინაობის გამჟღავნება არ ისურვა. იანუკოვიჩმა ევროკავშირისგან დიდი კომპენსაცია და რუსეთის მონაწილეობით სამმხრივი მოლაპარაკების გამართვა მოითხოვა.