საქართველო, 29 ნოემბერი, საქინფორმი. ასოცირების შესახებ ხელშეკრულების პარაფირებაზე ხელმოწერის პროცესში ცრემლები წამომოვიდა და ხელი ამიკანკალდა, მაგრამ მაინც მტკიცე ხელით მოვაწერე, – ამის შესახებ საქართველოს საგარეო საქმეთა მინისტრმა მაია ფანჯიკიძემ საქართველოსა და ევროკავშირს შორის ასოცირების შეთანხების პარაფირების შეფასებისას განაცხადა.

“ისეთი ამაღელვებელია დღევანდელი დღე, რომ ცოტა ცრემლებიც წამომოვიდა ხელმოწერის პროცესში და ხელიც ამიკანკალდა.მაგრამ მაინც მტკიცე ხელით მოვაწერე ხელი და იმედი მაქვს, რომ ეს დღევანდელი ისტორიული დღე მართლაც იქნება შეუქცევადი საქართველოსთვის ევროპულ გზაზე და საქართველო ძალიან მალე გახდება ევროპული ოჯახის ღირსეული და ნამდვილი წევრი”, – განაცხადა მაია ფანჯიკიძემ.