საქართველო, 26 ნოემბერი, საქინფორმი. აფხაზეთის პრეზიდენტი ალექსანდრე ანქვაბი და რუსეთის პრეზიდენტის თანაშემწე აფხაზეთსა და სამხრეთ ოსეთთან ურთიერთობის საქმეში ვლადისლავ სურკოვი ორშაბათს, 25 ნოემბერს ენგურჰესს ეწვივნენ და სადგურის მიწისქვეშა საამქრო დაათვალიერეს.

სახელმწიფო კომპანიის გენდირექტორმა რეზო ზანტარიამ მათ ჰიდროელექტროსადგურის მდგომარეობის შესახებ მოუთხრო.

ამის შემდეგ დელეგაცია ქალაქ გალის #2 სკოლას ესტუმრა, სადაც 720 ბავშვი სწავლობს. სკოლის დირექტორმა აჰრა კვეკვესკირმა საპატიო სტუმრებს სპორტდარბაზი და საკლასო ოთახები დაათვალიერებინა.