სამართალი
ლაშა ნაცვლიშვილმა მთავარ პროკურორს გადადგომის შესახებ განცხადებით მიმართა
საქართველო, 22 ნოემბერი, საქინფორმი. გუშინ, 21 ნოემბერს, საქართველოს მთავარი პროკურორის პირველმა მოადგილემ ლაშა ნაცვლიშვილმა მთავარ პროკურორ ოთარ ფარცხალაძეს გადადგომის შესახებ განცხადებით მიმართა. ამის შესახებ ინფორმაციას მთავარი პროკურატურა ავრცელებს.
„დღეს საქართველოს პრემიერ-მინისტრმა ახალი მთავარი პროკურორი დანიშნა. მიუხედავად იმისა, რომ „პროკურატურის შესახებ“ კანონი ასეთ შემთხვევებში არ ითვალისწინებს მთავარი პროკურორის მოადგილეთა უფლებამოსილების ავტომატურ შეწყვეტას, საჯარო სამსახურის ეთიკიდან გამომდინარე, მიმაჩნია, რომ უწყების ახალ ხელმძღვანელს უნდა მიეცეს სრული საკადრო თავისუფლება, რის გამოც მივმართე მას განცხადებით დაკავებული თანამდებობიდან გადადგომის თაობაზე“, – განაცხადა ლაშა ნაცვლიშვილმა. 
