საქართველო, 21 ნოემბერი, საქინფორმი. 9 აპრილის ბაღში გუშინ დიდი ქართველი მსახიობის რამაზ ჩხიკვაძის ძეგლი გაიხსნა, რომლის ავტორი მოქანდაკე ზურაბ წერეთელია. ღონისძიებას პრემიერ-მინისტრის მოვალეობის შემსრულებელი ბიძინა ივანიშვილი მეუღლესთან ერთად დაესწრო. სიტყვით გამოსვლისას ბიძინა ივანიშვილმა რამაზ ჩხიკვაძის შემოქმედებაზე ილაპარაკა და აღნიშნა, რომ რამაზ ჩხიკვაძემ ქართულ თეატრში მთელი ეპოქა შექმნა.
„ჩვენ ყველას გვახსოვს, როგორ აღტაცებაში მოჰყავდა რამაზს მაყურებელი, როგორ გააოცა შექსპირის სამშობლოც კი საკუთარი შემოქმედებით და მან სიცოცხლეშივე მოახერხა საკუთარი შემოქმედების უკვდავყოფა. რამაზი ჩემი და ჩემი ოჯახის მეგობარი იყო და ჩვენ ამით ძალიან ვამაყობთ", - განაცხადა ბიძინა ივანიშვილმა.