საქართველო, 14 ნოემბერი, საქინფორმი. რკინიგზის თანამშრომლების  საყოველთაო გაფიცვასთან დაკავშირებით ურთიერთგამომრიცხავი ინფორმაცია ვრცელდება.

პროფკავშირების ინფორმაციით, ამ დროისათვის გაფიცულია 8 ათასამდე რკინიგზელი და შეწყვეტილია სატვირთო გადაზიდვებიც. პროფკავშირების წარმომადგენლები და რკინიგზის თანამშრომელთა ნაწილი პირობების გაუმჯობესებას მოითხოვენ. გაფიცულია ასევე თბილისის საკვანძო სალოკომოტივო დეპო, მახარისხებელი სადგური და სალიანდაგო სამსახური. 
საწინააღმდეგოს ირწმუნებიან რკინიგზის დეპარტამენტში. მათი თქმით, ყველა დაგეგმილი ტრანზიტი სრულდება და გაფიცულ თანამშრომელთა რაოდენობა სრული შემადგენლობის 5%-საც არ აღემატება.