საზოგადოება
კახა კალაძე: „სოჭის ოლიმპიადიდან რაც შეიძლება ბევრი მედალი უნდა ჩამოვიტანოთ!“
საქართველო, 12 ნოემბერი, საქინფორმი. სოჭის ოლიმპიადაზე უნდა წავიდეთ და რაც შეიძლება ბევრი მედალი უნდა ჩამოვიტანოთ, რათა გავახაროთ ქართველი ხალხი, – ამის შესახებ ჟურნალისტებს საქართველოს ენერგეტიკის მინისტრმა კახა კალაძემ განუცხადა, რომლის თქმითაც, რუსეთთან ურთიერთობის დარეგულირების მიზნით მნიშვნელოვანი ნაბიჯები გადაიდგა.
“რუსეთთან ურთიერთობას რაც შეეხება, ჩვენ ყოველთვის ვამბობდით იმას, რომ მაქსიმალურად ვცდილობთ დავარეგულიროთ ურთიერთობები. ამისთვის ძალიან მნიშვნელოვანი ნაბიჯები გადაიდგა ეკონომიკური მიმართულებით. პოლიტიკას რაც შეეხება, ეს ცოტა რთული და გრძელვადიანი პროცესია”, – განაცხადა კახა კალაძემ.
ამ დროისთვის საქართველოს სოჭის ოლიპიადის ოთხი ლიცენზია აქვს - ფიგურულ სრიალში (ელენე გედევანიშვილი), სამი ლიცენზია კი - თხილამურებით სრიალში. ლიცენზიების რაოდენობა შესაძლოა კიდევ ორით გაიზარდოს.
