საქართველო, 30 ოქტომბერი, საქინფორმი. ჟურნალ Forbes-ის ვერსიით, რფ-ის პრეზიდენტი ვლადიმერ პუტინი მსოფლიოს ყველაზე გავლენიანი ადამიანების 2013 წლის რეიტინგის სათავეში მოექცა და უკან ჩამოიტოვა აშშ-ის პრეზიდენტი ბარაკ ობამა, რომელიც 2012 წლის რეიტინგში პირველ ადგილს იკავებდა. 2009 წლიდან პუტინი მხოლოდ ერთხელ ვერ მოხვდა აღნიშნული რეიტინგის ტოპსამეულში - 2010 წელს მან მეოთხე პოზიცია დაიკავა.

რეიტინგში მესამე ადგილი ერგო ჩინეთის კომუნისტური პარტიის გენერალურ მდივან ქსი ძინპინს. ხუთეულში მოხვდნენ აგრეთვე გერმანიის კანცლერი ანგელა მერკელი და რომის პაპი ფრანცისკ I, ხოლო მილიარდერმა ბილ გეიტსმა მეექვსე ადგილი დაიკავა.