საზოგადოება
ჯეიმს აპატურაი: “კიდევ ერთხელ ვიმეორებ, რომ ქართველები ძალიან კმაყოფილები უნდა იყოთ თქვენი წარმომადგენლების მიერ გაწეული სამსახურით საერთაშორისო არენაზე!“
საქართველო, 25 ოქტომბერი, საქინფორმი. ბრიუსელში საქართველოს თავდაცვის მინისტრი ირაკლი ალასანია ნატოს გენერალური მდივნის სპეციალურ წარმომადგენელს კავკასიასა და ცენტრალურ აზიაში ჯეიმს აპატურაის შეხვდა. შეხვედრის დასრულების შემდეგ ნატოს წარმომადგენელმა განაცხადა:
“შევხვდი საქართველოს თავდაცვის მინისტრ ირაკლი ალასანიას, რომელიც ნატოს ISAF-ის შეხვედრაზე დასწრების მიზნით ჩამოვიდა. მას ინფორმაცია მივაწოდე, თუ როგორია ნატოს მხარის შეფასება - მისი ხელმძღვანელობით პროფესიული, ფოკუსირებული და წარმატებული რეფორმები ხორციელდება. ჩემი აზრით, ის საქართველოს საერთაშორისო დონეზე წარმოჩენაში ეხმარება, მათ შორის - ავღანეთში.
კიდევ ერთხელ ვიმეორებ, რომ ქართველები ძალიან კმაყოფილები უნდა იყოთ თქვენი წარმომადგენლების მიერ გაწეული სამსახურით საერთაშორისო არენაზე“ (ანუ, ავღანეთში - საქინფორმი).
