აქტუალური
გიორგი მარგველაშვილი დევნილებს შეხვდა
საქართველო, 24 ოქტომბერი, საქინფორმი. კოალიცია „ქართული ოცნების“ პრეზიდენტობის კანდიდატი გიორგი მარგველაშვილი ვერის პარკში მდებარე ჭადრაკის სასახლეში იძულებით გადაადგილებულ პირებს შეხვდა. ის დევნილთა და განსახლების მინისტრმა დავით დარახველიძემ და დეპუტატმა გია ვოლსკიმ წარადგინეს.
გიორგი მარგველაშვილმა დევნილებს საქართველოს ტერიტორიული მთლიანობის აღდგენის მშვიდობიანი გეგმა გააცნო. მისი განცხადებით, ტერიტორიული მთლიანობის აღდგენისთვის საჭიროა საქართველო ყველასათვის მიმზიდველი ქვეყანა გახდეს და რეფორმები წარმატებით განხორციელდეს.
დავით დარახველიძემ შეკრებილ საზოგადოებასთან სამინისტროს მიერ განხორციელებულ პროექტებზე ისაუბრა. უახლოეს მომავალში დევნილთა შემწეობა 45 ლარამდე გაიზრდება, ასევე მომავალ თვეში 500–მდე დევნილს უფასოდ გადაეცემა საცხოვრებელი ბინა.
