აქტუალური
ანდერს ფოგ რასმუსენი: „საქართველო მომავალ წელს ნატოს წევრი არ გახდება“
საქართველო, 22 ოქტომბერი, საქინფორმი. საქართველო 2014 წელს ნატოს წევრი არ გახდება, უკრაინამ კი საერთოდ უარი თქვა ბლოკში გაწევრებაზე, - ამის შესახებ, „რია-ნოვოსტის“ ცნობით, ბრიუსელში ნატოს გენერალურმა მდივანმა ანდერს ფოგ რასმუსენმა განაცხადა.
„საქართველოს ახალმა მთავრობამ დაადასტურა ნატოში გაწევრების განზრახვა. თუმცა მომავალ წელს ეს ნამდვილად არ მოხდება, ჯერჯერობით ჩვენ საქართველო-ნატოს საბჭოს ფარგლებში ვითანამშრომლებთ“, - განაცხადა რასმუსენმა რუს ჟურნალისტებთან შეხვედრაზე ნატოს თავდაცვის მინისტრების სხდომისა და რუსეთ-ნატოს საბჭოს სხდომის წინ.
მან ასევე აღნიშნა, რომ 2008 წელს ბუქარესტის სამიტზე საქართველოც და უკრაინაც ალიანსში გაწევრების მომხრენი გამოვიდნენ. თუმცა შემდგომ უკრაინამ გადაწყვიტა, რაიმე კავშირში არგაწევრების პოლიტიკით ეხელმძღვანელა.
