საქართველო, 21 ოქტომბერი, საქინფორმი. მოსკოვში, ბირიულოვოს რაიონში მოკლული ეგორ შჩერბაკოვის მეგობარმა გოგონამ ტელეარხ „როსია-24“-ის ეთერში განაცხადა, რომ დანაშაულის ადგილზე სწორედ ორჰან ზეინალოვი ნახა, რომელსაც პარასკევს ოფიციალურად წაუყენეს ბრალი.

მკვლელობაში ბრალდებულმა ორჰან ზეინალოვმა დაკითხვაზე ბრალი არ აღიარა და განაცხადა, რომ დანაშაულის ადგილზე არც კი ყოფილა. ამის შესახებ პარასკევს რფ-ის საგამოძიებო კომიტეტის ოფიციალურმა წარმომადგენელმა ვლადიმერ მარკინმა განაცხადა. ამასთან, უწინ ეჭვმიტანილმა გამოძიებას აუწყა, რომ სწორედ მან მიაყენა დანით ჭრილობა ეგორ შჩერბაკოვს 2013 წლის 10 ოქტომბრის ღამეს ვოსტრიაკოვოს შესახვევში.

„მე უკვე მივეცი ჩვენება და კიდევ ერთელ ვადასტურებ, რომ ეს სწორედ ის პირია, ვინც ეგორ შჩერბაკოვი მოკლა“, - განაცხადა გოგონამ და დასძინა, რომ მანამდე ეს კაცი არასოდეს უნახავს.