სამართალი
საპატრულო პოლიციამ განსაკუთრებით დიდი ოდენობით მარიხუანა ამოიღო
საქართველო, 14 ოქტომბერი, საქინფორმი. საპატრულო პოლიციის დეპარტამენტის თანამშრომლებმა ნარკოტიკული საშუალების უკანონო შეძენა-შენახვის ფაქტზე 1987 წელს დაბადებული ალექსანდრე ლ. თბილისში დააკავეს.
საპატრულო ეკიპაჟმა საქართველოს ერთიანობისთვის მებრძოლთა ქუჩაზე მოძრავი “BMW”-ს მარკის ავტომანქანა საგზაო წესების დარღვევისთვის გააჩერა. სამართალდამცველებმა ავტომანქანის დათვალიერებისას საბარგულში დიდი ოდენობით ნარკოტიკული საშუალება – ნედლი მარიხუანა აღმოაჩინეს. ექსპერტიზის დასკვნით, ამოღებულია 2 კგ და 500 გრ მარიხუანა.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (სსსკ-ის 260-ე მუხლის მე-3 ნაწილის „ა“ ქვეპუნქტით).
