საქართველო, 10 ოქტომბერი, საქინფორმი. 7 ქართული კომპანიის 28 სახეობის ალკოჰოლურმა სასმელმა რუსეთის ბაზარზე რეგისტრაციისა და გასვლის უფლება ვერ მოიპოვა. „როსპოტრებნადზორმა“ პროდუქციის დაბლოკვის მიზეზად „ჰიგიენურ სტანდარტებთან შეუსაბამობა” დაასახელა.

განცხადების თანახმად: 9 უარყოფითი ექსპერტული დასკვნა გაიცა ”იმედი 96”-ის ღვინოზე; 5 დასკვნა – ”შუხმან ვაინს ჯორჯიას” ღვინოზე; 5 დასკვნა – ”ასკანელი ძმების” კონიაკზე; 4 დასკვნა – ”ახაშენი 2005”-ის კონიაკზე; 2 დასკვნა – ”შალვინოს” ღვინოზე; 2 დასკვნა ”წინანდალი – XXI საუკუნის საუკეთესო ღვინოების” ღვინოზე; 1 დასკვნა ”საამოს” ღვინოზე. ამასთან, „როსპოტრებნადზორის“ ინფორმაციით, 14 მარტიდან 7 ივლისამდე უწყებაში საქართველოდან განცხადება რეგისტრაციის უფლების მოპოვებასთან დაკავშირებით 633 პროდუქციაზე შევიდა, საიდანაც წარმოების შესაბამისობის სერტიფიკატი გაიცა 576 დასახელების ალკოჰოლურ სასმელზე.